 த்ரி இடியட்ஸ் படப்பிடிப்பு ஊட்டியில் நடைபெற்று வருகிறது. ஜீவா, ஸ்ரீகாந்த் இருவரும் அங்கு நடித்துக் கொண்டிருக்கிறார்கள் என்ற செய்தி கடந்த சில தினங்களுக்கு முன் வெளியாகியிருந்தது. |
இன்று திடீரென்று சென்னை திரும்பிவிட்டார் ஸ்ரீகாந்த். அவரை சென்னையில் பார்த்த ஒரு சிலருக்கு குழப்பம் ஏற்பட்டிருக்கலாம். ஆனால் ஷங்கரின் பரிபூரண ஆசிர்வாதத்தோடுதான் சென்னைக்கே வந்தாராம் அவர். அப்படியென்ன பிரேக்? வேறொன்றுமில்லை, ஸ்ரீகாந்த்துக்கு பெண் குழந்தை பிறந்திருக்கிறது.நேற்று இரவு ஸ்ரீகாந்தின் மனைவி வந்தனா சென்னை அப்போலோ மருத்துவமனையில் அனுமதிக்கப்பட்டிருந்தார். இன்று காலை அவருக்கு அழகான பெண் குழந்தை பிறந்தது. இந்த நேரத்தில் ஊட்டியில் இருப்பு கொள்ளாமல் தவித்த ஸ்ரீகாந்த், ஷங்கரின் அனுமதியோடு சென்னைக்கு வந்திறங்கியிருக்கிறார். மருமகளையும் குழந்தையையும் ஸ்ரீகாந்தின் அம்மா ஜெயந்தி கிருஷ்ணமாச்சாரி அருகில் இருந்து கவனித்து வருகிறார். |
0 comments:
Post a Comment