| தென்னிந்திய படங்களுக்கு மட்டுமின்றி பாலிவுட் படத்துக்கும் 'ஸ்டண்ட் மாஸ்டராக' பணியாற்றியவர் 'பெப்சி'விஜயன். |
 இவர் தன் மகன் சபரீஸ் நாயகனாக நடிக்க 'மார்கண்டேயன்' படத்தை இயக்கியுள்ளார், இதில் நாயகியாக பிங்கி நடித்துள்ளார்.படத்துக்கு சுந்தர் சி.பாபு இசையமைத்துள்ளார். இசைவெளியீட்டு விழாவிற்காக தன் பாலிவுட் நண்பரான சல்மான் கானை அழைத்திருந்தார் பெப்சி விஜயன். 'நான் நடித்த 'வான்டெட்' படத்தில் ஸ்டண்ட் மாஸ்டராக பணியாற்றினார். அவருடைய சண்டைகாட்சி யுத்திகள் என்னை மிகவும் கவர்ந்துள்ளது. அவரோட மகன் சபரீஸ் எனக்கு லிட்டில் மாஸ்டர் மாதிரி. இப்படி ஒரு ஆர்ப்பாட்டமான விழாவில் இங்கே நான் கலந்து கொள்வது இதுதான் முதல்முறை. அதனால் எனக்கு வித்தியாசமான அனுபவத்தை தந்துள்ளது என்று இசை வெளியீட்டில் கலந்து கொண்ட பாலிவுட் ஸ்டார் ஹீரோ சல்மான் கான் குறிப்பிட்டுள்ளார். இளைய தளபதி விஜய்யும் ஆர்வமாக இதை கவனித்துள்ளார். விழாவில் விருந்தினராக கலந்து கொண்ட ஸ்ரேயா இங்கே இரண்டு போக்கிரிகளை ஒரே மேடையில் நாம் பார்க்கிறோம் என்று குறும்பாக கூறியுள்ளாராம். தமிழில் 'போக்கிரி' படத்தில் விஜய் நடித்துள்ளார். இதன் இந்தி 'ரீமேக்கான' வான்டெட் படத்தில் சல்மான் நடித்துள்ளார் என்பது குறிப்பிடத்தக்கது. |
0 comments:
Post a Comment