விஜய் நடித்து வரும் 'வேலாயுதம்' படத்தை தொடர்ந்து, ஏ.ஆர்.முருகதாஸ், சீமான் ஆகியோரின் படங்களில் நடிக்க இருக்கிறார் என்று தகவல்கள் வெளியானாலும் விஜய் தரப்பில் இருந்து எந்த படத்தில் நடிக்க இருக்கிறார் என்று உறுதி செய்யப்படவில்லை.
இந்த நிலையில் விஜய் - கெளதம் மேனன் படத்தினை உறுதி செய்து இருக்கிறார்கள். யோஹன் - அத்தியாயம் ஒன்று (ஒன்றாம் குறிக்கோள் : நியூயார்க்) என்று பெயரிடப்பட்டுள்ளது.
இன்று காலை வந்த விளம்பரங்களில் 'அதிரடி துவக்கம் 2012' என்று குறிப்பிடப்பட்டுள்ளது. இப்படத்திற்கு ஏ.ஆர்.ரஹ்மான் தான் இசையமைப்பாளராக ஒப்பந்தம் செய்யபடலாம் என்று தெரிகிறது.
இப்படத்தினை தனது ஃபோடோன் கதாஸ் நிறுவனம் மூலம் தயாரிக்க இருக்கிறார் கெளதம் மேனன். அடுத்த ஆண்டு தான் இப்படம் துவங்கும் என்பதால், 'வேலாயுதம்' படத்தின் பணிகளை முடித்த பின் யார் இயக்கத்தில் நடிக்க இருக்கிறார் விஜய் என்பதே கோடம்பாக்கத்தில் உலவும் கேள்வி.
நண்பன் படத்தை ஆகஸ்ட் முடித்த பின்பு பகலவன் படத்தில் நடிக்க உள்ளார்.இப்படத்துக்கு அறுபது நாள் கால்சீட் கொடுத்துள்ளார்.இச்செய்தியை வேலாயுதம் இசை வெளியீட்டன்று கூறவுள்ளார் விஜய்.இப்படத்திற்கு இசை யுவன்சங்ராஜாவோ அல்லது ஹரிஸோ என்ற கேள்வி நிலவுகிறது.
கெளதம் மேனனின் படத்துக்கு முன் முருகதாஸின் இயக்கத்திலும் நடிக்க உள்ளார் எனவும் கூறப்படுகிறது.
0 comments:
Post a Comment