இப்பொழுது தமிழ் சினிமாவில் கிசுகிசுக்கப்படும் செய்திகளில் ஒன்று விஜய் முருகதாஸ் கூட்டணி பற்றியாகும். இவர்கள் இருவரும் இணையப்போவது பற்றி உத்தியோகபூர்வ அறிவிப்புக்கள் எதுவும் வரவில்லை.எனினும் இவர்கள் இருவரும் இணையும் சந்தர்ப்பம் அதிகமாக உள்ளது. விஜய் மற்றும் முருகதாஸ் இருவரும் தம்முடைய தற்போதைய படங்களை முடித்துவிட்டு புதியபடத்தில் இணைய உள்ளனர்.இப்படம் ஆக்சன் கலந்த காதல் படமாக உள்ளது. மாலை நேரம் மலைத்துளி என்ற தலைப்பு பரிசீலனையில் உள்ளது. ஆகஸ்ட் மாத இறுதியில் விஜயின் நண்பன் பட படப்பிடிப்பும் முருகதாஸின் ஏழாம் அறிவின் இறுதி வேலைகளும் முடிவடைந்து விடும்.இதனை அடுத்து விஜய் முருகதாஸ் இணையும் புதிய படம் பற்றிய உத்தியோக பூர்வ அறிவிப்பு வெளிவர உள்ளது.நிரவ்சா இப்படத்திற்கு ஒளிப்பதிவாளராக வேலை செய்ய உள்ளதாக தெரிய வந்துள்ளது. விஜயுடன் இணைந்து போக்கிரி என்ற கிட் படத்தை கொடுத்தவர் நிரவ்ஸா என்பது குறிப்பிடத்தக்கதாகும். இப்படத்தின் தயாரிப்பாளராக விஜயின் தந்தை எஸ் ஏ சந்திரசேகரன் மற்றும் ஆஸ்கார் பிலிம்ஸ் ரவிச்சந்திரன் ஆகியோர் இணைய உள்ளனர்.ஏற்கனவே ரவி விஜயின் காதலுக்கு மரியாதை திரைப்படத்தை வெளியிட்டதுடன் விஜய் தற்பொழுது நடிக்கும் வேலாயுதம் படத்தின் தயாரிப்பாளர் ஆவார். இப்படத்தில் விஜயுடன் சேர்ந்து நடிப்பதற்கு தீபிகா படுகோனை அணுகியுள்ளனர். ரஜனியுடன் இணைந்து ரணா படத்தில் நடிக்க உள்ள தீபிகா படுகோனை விஸ்வரூபம் படத்தில் நடிப்பதற்கும் அணுகியமை குறிப்பிடத்தக்கதாகும்.
0 comments:
Post a Comment