Wednesday, March 16, 2011
திகைக்க வைக்கும் தெலுங்கு ஹீரோக்கள்
தெலுங்கில் படம் இயக்கவும், நடிக்கவும் நம்மாட்கள் ஆசைப்படுவதற்கு காரணம் இருக்கிறது. இந்தியாவிலேயே இங்குதான் சம்பளம் அதிகம்.தெலுங்கில் அடுத்தடுத்து ஹிட் கொடுத்து முதலிடத்தில் இருக்கிறார் ஜுனியர் என்டிஆர். இவரது சம்பளம் முந்தைய படம் வரை ஏழு கோடி. இப்போது ஒன்பது கோடிகள். இவருக்கு அடுத்த இடத்தில் ரவி தேஜா. ஏழு கோடிகள் வாங்குகிறார். மகேஷ்பாபுவின் படங்கள் தொடர்ந்து சரியாகப் போகாததால் ஆறு கோடிக்கு சம்பளம் கீழிறங்கியுள்ளது.
தென்னிந்தியாவைப் பொறுத்தவரை ரஜினி, கமல், விஜய்க்கு அடுத்த இடத்தில் இருக்கிறார் ஜுனியர் என்டிஆர். அல்லு அர்ஜுன் போன்ற சுமாரான ரசிகர்கள் உள்ள ஹீரோக்களே தெலுங்கில் ஐந்து கோடி சம்பளம் வாங்குவது மற்ற மொழி நடிகர்களுக்கு பொறாமை வரவைக்கும் செய்தி.
மம்முட்டியும் மோகன்லாலும் இப்போதும் ஒன்றரை கோடியை தாண்டவில்லை என்பது குறிப்பிடத்தக்கது.
Tuesday, March 15, 2011
சீமான் இயக்கும் பகலவன் படத்தில் ஐ.பி.எஸ் ஆபிசராக நடிக்கிறார் விஜய்.
விஜய் நடித்து கொண்டிருக்கும் வேலாயுதம், நண்பன் படத்தை அடுத்து நடிக்க இருக்கும் படம் பகலவன். சீமான் இயக்க, தாணு தயாரிக்க இருக்கிறார்.
டாக்டருக்கு படித்துவிட்டு, வெளிநாட்டில் வேலை கிடைத்தும் அதற்குப் போகாமல் தமிழ்நாட்டில் உள்ள கிராமங்களுக்கு சேவை செய்யும் பாத்திரத்தில் நடிக்கிறார் விஜய். இங்கு உள்ள 20 கிராமங்களை தத்து எடுத்து மருத்துவ உதவி செய்து கொண்டிருக்கிறார்.
அந்த 20 கிராமங்களை நம்பி மருத்துவமனை நடத்துபவர்களால் விஜய்க்கு பிரச்னை வருகிறது.
கிராமத்தில் உள்ள பெரியவர் ஒருவர் விஜய்யிடம் "அவங்கிட்ட எதுக்குபா உனக்கு வம்பு? பேசாம வெளிநாட்டுக்கு போய் சம்பாதிக்க பாருப்பா" என்கிறார்.
அதற்கு விஜய், வயலில் உள்ள நாற்றங்காலை காட்டி "இது என்ன ?" என்று கேட்கிறார்.
பெரியவர் "நாற்றங்கால்" என்கிறார்.
"இது எதற்கு பயன்படும் ?"
" இது தரும் விதைநெல்லை தான் வயல் முழுவதும் விதைப்போம் "
"சரி.. அப்படி என்றால் இந்த நிலம்.. ? "
" இது எப்பொழுதும் தரிசாவே தான் இருக்கும்" என்கிறார் பெரியவர்.
"அதைப் போல் தான் இப்ப நம்ம நாடே இருக்கு. எல்லாரும் இங்கே படிச்சுட்டு வெளிநாட்டுக்கு போய் சம்பாதிக்கிறாங்க.. நம்ம நாடு எப்பவும் தரிசாவே கிடக்கு!" என்கிறார்.
மேலும் அவரது மருத்துவ சேவை தொடர்ந்து நடைபெற்று வருகிறது. இந்நிலையில் விஜய்க்கு எதிராக மருத்துவமனை நடத்தும் ஒருவர் விபத்தில் சிக்கிக் கொள்கிறார். ஆபரேஷன் செய்வதில் கைதேர்த்தவரான விஜய்யின் உதவியை அவர்கள் நாடுகின்றனர். விஜய் அவருக்கு ஆபரேஷன் செய்து காப்பாற்றுகிறார். மனந்திருந்திய எதிர் அணிக்காரர், "எனது தேகம் கிழிஞ்ச உடனே தைச்சுட்ட.. இந்த தேசம் கிழிஞ்சு கிடக்கே... அதை எப்போ தைக்க போற..? " என்கிறார்.
உடனே ஐ.பி.எஸ் படித்து அரசாங்க அதிகாரியாக பணியாற்ற வருகிறார் விஜய். அதன்பின் அரசில் நடக்கும் அநியாயங்களை அரசாங்க அதிகாரியாக இருந்து எதிர்த்து போராடுகிறார். இதுதான் பகலவன் படத்தின் கதை.
தேர்தல் முடிந்தவுடன் இருவரும் இணைந்து பணியாற்ற இருக்கிறார்கள் பகலவனுக்காக.
அரசியலுக்கு விஜய்....? - "சட்டப்படி குற்றம்"
சத்யராஜ், விக்ராந்த், பானு மற்றும் பலர் இணைந்து நடித்து இருக்கும் படம் சட்டப்படி குற்றம். இதனை விஜய்யின் அப்பா எஸ்.ஏ. சந்திரசேகரன் தயாரித்து இயக்கி இருக்கிறார். விஜய் ஆண்டனி இசை அமைத்து இருக்கிறார். இப்படத்தின் ஆடியோ வெளீயிட்டு விழா சென்னையில் நடைபெற்றது.
நாட்டில் நடக்கும் அவலங்களை தட்டி கேட்கும் படமாக 'சட்டப்படி குற்றம்' இருக்கும். இதற்கு யாரும் அரசியல் சாயம் பூச வேண்டாம் என எஸ்.ஏ. சந்திரசேகரன் கூறினாலும். அதன் பின்னர் பேச வந்தவர்கள் விஜய் அரசியலுக்கு வரவேண்டுமா வேண்டாமா என்கின்ற தொணியில் தான் இன்றைய ஆடியோ வெளீயிட்டு விழா இருந்தது.
கமலா தியேட்டர் அதிபர் சிதம்பரம் :
விஜய்யும் எனது மகனும் 18 ஆண்டு காலமாக நண்பர்களாக உள்ளனர். விஜய்யும் எனது மகன் தான். அவரது அப்பாவிற்கு ஒரு வேண்டுகோள் விடுக்கிறேன்.
சிவாஜியின் நெருங்கிய நண்பன் நான். அவர் அரசியலுக்கு வரும் பொழுது வர வேண்டாம் என்று கூறினேன். அரசியலை பற்றி உனக்கு ஒன்றும் தெரியாது என்று கூறி விட்டு, அதன் பின் நடந்தது என்ன என்று உங்களுக்கே தெரியும். சிவாஜி மறைவதற்கு ஒரு ஆண்டிற்கு முன்பு, "அரசியல்வாதிகள் யாரும் எனது வீட்டிற்கு வர கூடாது" என்று கூறினார்.
விஜய்யின் அப்பாவான நீங்கள் அரசியலுக்கு வந்து சேவை செய்யுங்கள் தயவு செய்து விஜய்யை அரசியலுக்கு கூட்டு வராதீர்கள். நீங்கள் மக்களுக்கு சேவை செய்யுங்கள் அவர் சினிமாவிற்கு சேவை செய்யட்டும். அவர் ஹாலிவுட் நடிகராக வந்து கொண்டு இருக்கிறார்.
இயக்குனர் சீமான் :
விஜய் அரசியலுக்கு கண்டிப்பாக வர வேண்டும். நல்லவர்கள் அரசியலுக்கு வர பயப்படுவதால் தான் அரசியலில் உள்ளவர்கள் அனைவரும் திருடர்களாக இருக்கிறார்கள்.
கற்றவர்கள் அரசியலுக்கு வரவில்லை. எவன் மண்ணையும் மக்களையும் தனது உயிர் போல் நினைக்கிறானோ அவன் தான் அரசியலுக்கு வர வேண்டும். ஆகவே விஜய் கண்டிப்பாக அரசியலுக்கு வந்து சேவை செய்ய வேண்டும்.
நடிகர் சத்யராஜ் :
விஜய் கண்டிப்பாக அரசியலுக்கு வர வேண்டும். சிவாஜி அரசியலுக்கு வந்து சோபிக்க வில்லை என்று சொன்னார்கள் ஏன் எம்.ஜி.ஆர் வர வில்லையா?. எம்.ஜி.ஆர் எவ்வாறு சினிமா துறையில் இருந்து அரசியலுக்கு வந்து சேவை ஆற்றினாரோ அதைப் போல் விஜய்யும் வர வேண்டும் .
அதற்கான ஆலோசனைகளை அவருக்கு அவரது அப்பா எப்போதோ கற்றுக் கொடுத்து விட்டார். அதனை அடுத்து, சீமான் இயக்கத்தில் பகலவன் படத்தில் நடிக்க இருக்கிறார். அவர் கொஞ்சம் கற்றுக் கொடுத்து இருப்பார். அதனால் தான் இது வரை அமைதியாக இருந்து வந்த விஜய் நாகப்பட்டினத்தில் போய் "உலக வரைப்படத்தில் இலங்கை நாடே இல்லாமல் போய்விடும்" என்று பேசி இருக்கிறார்.
இந்த படத்தை பார்த்து விட்டு தாணு எனக்கு போன் பண்ணினார். 'நன்றாக இருக்கிறது. நீங்கள் நடித்த பாத்திரத்தில் மட்டும் விஜய் நடித்து இருந்தால் இத்திரைப்படம் வெளிவந்த உடன் கண்டிப்பாக தமிழ்நாட்டின் முதல் அமைச்சராக வந்து இருப்பார்' என்றார். அதற்காக தான் சீமான், நீங்கள், விஜய் இணையும் பகலவன் படம் இருக்கிறதே!
மொத்தத்தில் விஜய் கண்டிப்பாக அரசியலுக்கு வர வேண்டும் என்று அனைவரும் பேசினாலும், அவர் என்ன நினைத்து கொண்டு இருக்கிறாரோ?.
நாட்டில் நடக்கும் அவலங்களை தட்டி கேட்கும் படமாக 'சட்டப்படி குற்றம்' இருக்கும். இதற்கு யாரும் அரசியல் சாயம் பூச வேண்டாம் என எஸ்.ஏ. சந்திரசேகரன் கூறினாலும். அதன் பின்னர் பேச வந்தவர்கள் விஜய் அரசியலுக்கு வரவேண்டுமா வேண்டாமா என்கின்ற தொணியில் தான் இன்றைய ஆடியோ வெளீயிட்டு விழா இருந்தது.
கமலா தியேட்டர் அதிபர் சிதம்பரம் :
விஜய்யும் எனது மகனும் 18 ஆண்டு காலமாக நண்பர்களாக உள்ளனர். விஜய்யும் எனது மகன் தான். அவரது அப்பாவிற்கு ஒரு வேண்டுகோள் விடுக்கிறேன்.
சிவாஜியின் நெருங்கிய நண்பன் நான். அவர் அரசியலுக்கு வரும் பொழுது வர வேண்டாம் என்று கூறினேன். அரசியலை பற்றி உனக்கு ஒன்றும் தெரியாது என்று கூறி விட்டு, அதன் பின் நடந்தது என்ன என்று உங்களுக்கே தெரியும். சிவாஜி மறைவதற்கு ஒரு ஆண்டிற்கு முன்பு, "அரசியல்வாதிகள் யாரும் எனது வீட்டிற்கு வர கூடாது" என்று கூறினார்.
விஜய்யின் அப்பாவான நீங்கள் அரசியலுக்கு வந்து சேவை செய்யுங்கள் தயவு செய்து விஜய்யை அரசியலுக்கு கூட்டு வராதீர்கள். நீங்கள் மக்களுக்கு சேவை செய்யுங்கள் அவர் சினிமாவிற்கு சேவை செய்யட்டும். அவர் ஹாலிவுட் நடிகராக வந்து கொண்டு இருக்கிறார்.
இயக்குனர் சீமான் :
விஜய் அரசியலுக்கு கண்டிப்பாக வர வேண்டும். நல்லவர்கள் அரசியலுக்கு வர பயப்படுவதால் தான் அரசியலில் உள்ளவர்கள் அனைவரும் திருடர்களாக இருக்கிறார்கள்.
கற்றவர்கள் அரசியலுக்கு வரவில்லை. எவன் மண்ணையும் மக்களையும் தனது உயிர் போல் நினைக்கிறானோ அவன் தான் அரசியலுக்கு வர வேண்டும். ஆகவே விஜய் கண்டிப்பாக அரசியலுக்கு வந்து சேவை செய்ய வேண்டும்.
நடிகர் சத்யராஜ் :
விஜய் கண்டிப்பாக அரசியலுக்கு வர வேண்டும். சிவாஜி அரசியலுக்கு வந்து சோபிக்க வில்லை என்று சொன்னார்கள் ஏன் எம்.ஜி.ஆர் வர வில்லையா?. எம்.ஜி.ஆர் எவ்வாறு சினிமா துறையில் இருந்து அரசியலுக்கு வந்து சேவை ஆற்றினாரோ அதைப் போல் விஜய்யும் வர வேண்டும் .
அதற்கான ஆலோசனைகளை அவருக்கு அவரது அப்பா எப்போதோ கற்றுக் கொடுத்து விட்டார். அதனை அடுத்து, சீமான் இயக்கத்தில் பகலவன் படத்தில் நடிக்க இருக்கிறார். அவர் கொஞ்சம் கற்றுக் கொடுத்து இருப்பார். அதனால் தான் இது வரை அமைதியாக இருந்து வந்த விஜய் நாகப்பட்டினத்தில் போய் "உலக வரைப்படத்தில் இலங்கை நாடே இல்லாமல் போய்விடும்" என்று பேசி இருக்கிறார்.
இந்த படத்தை பார்த்து விட்டு தாணு எனக்கு போன் பண்ணினார். 'நன்றாக இருக்கிறது. நீங்கள் நடித்த பாத்திரத்தில் மட்டும் விஜய் நடித்து இருந்தால் இத்திரைப்படம் வெளிவந்த உடன் கண்டிப்பாக தமிழ்நாட்டின் முதல் அமைச்சராக வந்து இருப்பார்' என்றார். அதற்காக தான் சீமான், நீங்கள், விஜய் இணையும் பகலவன் படம் இருக்கிறதே!
மொத்தத்தில் விஜய் கண்டிப்பாக அரசியலுக்கு வர வேண்டும் என்று அனைவரும் பேசினாலும், அவர் என்ன நினைத்து கொண்டு இருக்கிறாரோ?.
''எம்.ஜி.ஆர். போல் வருவார் விஜய்!'' : சத்யராஜ் பேட்டி
''உங்கள் சின்னத்திரை பிரவேசத்துக்கு வாழ்த்துக்கள். அப்போ, இனிமே சினிமாவில் உங்க லொள்ளு ஜொள்ளுகளைப் பார்க்க முடியாதா?''''
''இந்தியன் சினிமாவில் டூயட் முக்கியம். குறிப்பிட்ட வயசுக்கு மேல ஒரு ஹீரோ டூயட் ஆடிட்டே இருந்தா, சகிச்சுக்க முடியுமே தவிர, பார்க்க நல்லாவே இருக்காது. இப்ப எனக்கு 57 வயசு. சினிமாவில் எனக்கு அமிதாப்தான் ரோல் மாடல். டி.வி-யிலும் அவரையே ரோல் மாடலா வெச்சுக்கலாமேன்னு முடிவுஎடுத்துதான் இந்த டி.வி வாய்ப்பை ஏத்துக்கிட்டேன்!''
''உங்கள் மகன் சிபிராஜால் சினிமாவில் இன்னும் ஒரு பளிச் அடையாளம் பிடிக்க முடியலையே?''
''இந்த மாசம் மட்டும் சிபி மூணு படங்களை மறுத்திருக்கான். இதே சூழ்நிலையில் நான் இருந்திருந்தா, வர்ற வண்டியில ஏறி எங்கேயாவது போய்ச் சேருவோம்னு நினைப்பேன். ஆனா, இன்னிக்கு இளைஞர்களுக்கு அந்த அவசரம் இல்லை. இப்ப கார்த்திக்கு அடுத்தடுத்து படங்கள் ஹிட். இதே அந்தக் காலத்துல இப்படி ஹிட்டுகள் கொடுத்திருந்தா, இந் நேரம் 50 படங்களில் நடிப்பதா அறிவிப்புகள் வந்திருக்கும். ஆனா, கார்த்தி எவ்வளவு நிதானமா இருக்கார் பாருங்க. நானும் சிபியும் சேர்ந்து நடிக்க நிறைய காம்பினேஷன்கள் வந்துச்சு. ஆனா, மறுத்துட்டோம். நான் படிக்கிற காலத்திலேயே ஜஸ்ட் பாஸ் ஆனாப் போதும்னு நினைக்கிற ஆள். ஆனா, சிபி மெரிட்ல வரணும்னு நினைக்கிறான். கொஞ்சம் காலம் ஆகலாம். ஆனா, கண்டிப்பா ஜெயிப்பான்!''
''விஜய்யும் நிச்சயம் அரசியல் என்ட்ரி கொடுப்பார். பாஸ் ஆவாரா?''
''பொதுவா, தங்கள் துறையில் வெற்றியை ருசிச்சவங்களுக்கு அடுத்து என்னங்கிற வேகம், உத்வேகம் அதிகமா இருக்கும். அந்த ஸ்பிரிட் விஜய்யிடம் நிறையவே இருக்கு. அவரோட சினிமா என்ட்ரி சுலபமா இருந்திருக்கலாம். ஆனா, தனக்குன்னு ஓர் இடத்தைப் பிடிக்க 20 வருஷம் போராடியிருக்கார். அந்தப் போராடும் குணம் விஜய்யை எந்தத் துறையிலும் ஜெயிக்கவைக்கும். ஒருமுறை புரட்சித் தலைவர் எம்.ஜி.ஆரைப்பத்தி பேரறிஞர் அண்ணா இப்படிச் சொன்னார், 'தம்பி எம்.ஜி.ராமச்சந்திரன் சினிமாவில் முதல் இடத்தில் இருக்கிறார். சினிமா தொழிலுக்கு வராமல் வேறு எந்தத் தொழிலுக்குச் சென்றுஇருந்தாலும், அங்கும் அவர் முதல் இடத்தில்தான் இருந்திருப்பார்.’ 10 வருஷம் கழிச்சுப் பாருங்க... அதே போலத்தான் விஜய்யும்!''
''இலங்கைக்குள் திருமாவளவனை அனுமதிக்க மறுத்ததற்குக் கண்டனம் தெரிவித்தீர்கள். ஆனால், 'திருமாவளவன் ஈழ விவகாரத்தைத் தன் அரசியல் எதிர் காலத்துக்குப் பயன்படுத்திக்கொள்கிறார்’ என்றும் ஒரு குற்றச்சாட்டு இருக்கிறதே?''
''அரசியல் கட்சிகள் தேர்தலை மனதில் வெச்சு சில காரியங்கள் பண்ணுவதைத் தவிர்க்க முடியாது. இப்போ நானே மனசில் நினைக்கிற அளவுக்கு, வெளியே ஓங்கிக் குரல் கொடுக்க மாட்டேன். ஏதாவது அதிகமாப் பேசி 'சத்யராஜ் சட்டத்துக்குப் புறம்பாப் பேசிட்டான்’னு சீமான் மாதிரி நாலஞ்சு மாசம் என்னை உள்ளே பிடிச்சுப் போட்டுட்டாங்கன்னா, என்னை நம்பிப் படம் எடுக்கும் தயாரிப்பாளர்களுக்கு யார் பதில் சொல்றது? இது மாதிரியான காரணங்களை மனசுல வெச்சுக்கிட்டுதான் எந்த ஒரு மனிதனும் போராட வேண்டி இருக்கு. இந்திய சுதந்திரப் போராட்டம் நடந்தபோது இந்தியாவின் ஜனத்தொகை 35 கோடி. அதுல வெறும் 35 ஆயிரம் பேர்தான் ஜெயிலுக்குப் போனாங்கன்னு சொல்றாங்க. காலங்காத்தால பால் வாங்கணும், மளிகை சாமான் வாங்கணும், கடனுக்கு வட்டி கட்டணும், குழந்தையை ஸ்கூல்ல விடணும்னு அவனவனுக்கு தினப்படியே போராட்டம். அதை எல்லாம் தாண்டித்தான் போராட வேண்டியிருக்கு. அந்த வகை யில் திருமாவளவன் தன்னால் முடிந்ததைச் செய்கிறார்... அவ்வளவுதான்!''
''பார்வதியம்மாள் மரணத்துக்கு ஒரு கௌரவமான அஞ்சலிக் கூட்டம்கூட நடத்த முடியலையே இங்கே?''
''என் தமிழ்க் குடும்பத்தில் நிகழ்ந்த மரணம் இது. உலகத் தமிழர்களுக்கு ஈடு செய்ய முடியாத இழப்பு. இறுதிக் கட்டப் போரின்போதும், மகனையும் தம் மக்களையும் விட்டுச் செல்ல மாட்டோம் என்ற வைராக்கியத்தோடு களத்தில் நின்ற அந்த வீரத் தாய்க்கு என் வணக்கங்கள். 80 வயதைக் கடந்த அந்தத் தாய்க்கு தமிழகத்தி லும் ஈழத்திலும் நேர்ந்த கொடுமைகள் மறக்க முடியாதவை. தமிழகத்துக்கு சிகிச்சைக்கு வந்த அவரைத் திருப்பி அனுப்பியது, மத்திய, மாநில அரசுகள் செய்த மாபெரும் தவறு, துரோகம்!
நானும் மணிவண்ணனும் தமிழ் உணர்வுள்ள திரைக் கலைஞர்களை இணைத்து, அந்தத் தாய்க்கு நினைவஞ்சலி கூட்டம் நடத்த முடிவு செய்துள்ளோம். தமிழ் உணர்வாளர்களை அழைக்கிறேன்!''
