 தென்னிந்திய திரையுலகில் முன்னணி கதாநாயகியாக உருவாகி வருகிற நாயகி காஜல் அகர்வால் மாற்றான், துப்பாக்கி படங்களைப் பற்றி பேட்டியளித்துள்ளார். |
கொலிவுட்டில் கே.வி.ஆனந்த் இயக்கும் மாற்றான், ஏ.ஆர்.முருகதாஸ் இயக்கும் துப்பாக்கி என இரு படங்களில் காஜல் அகர்வால் நடித்து வருகிறார். இந்தப்படங்களில் வரும் நாயகி கதாப்பாத்திரம் பற்றி காஜல் அகர்வால் பேசியுள்ளார்.சூர்யா உடன் 'மாற்றான்' படத்தில் மொடல் பெண்ணாக நடித்துள்ளேன். மாற்றான் படப்பிடிப்பு ரஷ்யா, பிரான்ஸ் உட்பட பலநாடுகளில் நடந்த போது நிறைய விடயங்களை கற்றுக்கொண்டேன். இப்படத்திற்காக ரஷ்யா மொழி கற்றுள்ளேன். மேலும் முருகதாசின் இயக்கத்தில் இளையதளபதி விஜய்யுடன் நடித்துள்ளேன். இப்படத்தில் விஜய்யை காதலிக்கும் குறும்புக்காரப் பெண்ணாக என்னுடைய கதாப்பாத்திரம் அமைந்துள்ளது. ரசிகர்கள் மனதில் இந்த வேடம் பிரபலமாகும் என்ற நம்பிக்கையில் உள்ளதாக காஜல் அகர்வால் பத்திரிக்கையாளர் சந்திப்பில் பேட்டியளித்தார். |
 துப்பாக்கி திரைப்படத்தில் விஜய்க்கு தம்பியாக நாயகன் ஜெய் நடிக்க ஒப்பந்தமாகியுள்ளார். |
கொலிவுட்டில் ஏ.ஆர்.முருகதாஸ் இயக்கத்தில் துப்பாக்கி திரைப்படத்தில் இளையதளபதி விஜய் நடித்து வருகிறார். துப்பாக்கியில் விஜய்க்கு ஜோடியாக காஜல் அகர்வால் நடிக்கிறார். இவர்களுடன் ஜெயராம் முக்கிய வேடத்தில் நடிக்கிறார்.ஹாரிஸ் ஜெயராஜ் இசையமைக்கிறார். இந்நிலையில் நாயகன் ஜெய்யிடம், துப்பாக்கியில் விஜய்யின் தம்பியாக நடிப்பதற்கு திகதிகள் கேட்டுள்ளார். நாயகன் ஜெய், மறுப்பு ஏதும் தெரிவிக்காமல் உடனே திகதிகளை தந்துள்ளார். ஏற்கனவே விஜய்க்கு தம்பியாக பகவதி திரைப்படத்தில் நாயகன் ஜெய் நடித்துள்ளார். தற்போது நீண்ட வருடங்களுக்கு பின்பு இளைய தளபதியுடன் மீண்டும் ஜெய் இணைகிறார். |
