விஜய் மக்கள் இயக்கத்தின் மாநாடு மதுரை புதூர் மைதானத்தில் நாளை (28-ந்தேதி) மாலை 4 மணிக்கு நடக்கிறது. இதில் விஜய் பங்கேற்று ஏழைகளுக்கு நல உதவிகள் வழங்குகிறார். விஜய் நடித்த வேலாயுதம் பாடல் சி.டி.யும் வெளியிடப்படுகிறது.
இதுகுறித்து விஜய்யின் தந்தையும், இயக்குனருமான எஸ்.ஏ. சந்திரசேகரன் நிருபர்களிடம் கூறியதாவது:-
விஜய் மாதந்தோறும் ஒவ்வொரு மாவட்டத்திலும் மக்கள் இயக்கம் சார்பில் ஏழைகளுக்கு உதவிகள் வழங்கி வருகிறார். நாளை மதுரையில் நடக்கும் மாநாட்டில் பங்கேற்கிறார். இதில் ஒரு லட்சம் ரசிகர்கள் திரள்கிறார்கள். இதில் 5 ஏழை பெண்களுக்கு வேளைக்கு 15 லிட்டர் பால் தரும் கன்றுடன் கூடிய பசு மாடுகளை விஜய் வழங்குகிறார்.
20 பள்ளிகளுக்கும், 20 ஏழை மாணவ-மாணவிகளுக்கும் 40 கம்ப்யூட்டர்களையும் இலவசமாக வழங்குகிறார். 100 ஏழை பெண்களுக்கு தையல் மிஷின்களும் வழங் கப்படுகின்றன. பிளஸ்-2 தேர்வில் அதிக மதிப்பெண் பெற்ற 3 ஏழை மாணவ-மாணவிகளை தத்தெடுத்து அவர்களின் பொறியியல் மருத்துவ படிப்புக்கான மொத்த செலவையும் விஜய் ஏற்கிறார்.
ரசிகர்கள் மாநாட்டில் வேலாயுதம் பாடல் சி.டி.யை வெளியிட அப்படத்தின் இயக்குனர் ராஜா விருப்பப்பட்டார். அதன்படி ரசிகர் மற்றும் ரசிகை மூலம் பாடல் சி.டி. வெளியிடப்படும். மாநாட்டிலேயே அந்த ரசிகர்-ரசிகைகளை தேர்வு செய்வோம்.
இவ்வாறு அவர் கூறினார்.
இயக்குனர் ராஜா கூறும்போது, வேலா யுதம் படம் விஜய் ரசிகர்களுக்கு பிடித்த படமாக வந்துள்ளது. விஜய் பால்காரர் வேடத்தில் வருகிறார். தீபாவளிக்கு படம் ரிலீஸ் ஆகும் என்றார்.
இசையமைப்பாளர் விஜய் ஆண்டனி கூறும் போது, படத்தில் 5 பாடல்கள் உள்ளன. அனைத்தும் ரசிகர்களுக்கு பிடிக்கும் என்றார். மதுரை விழாவில் ரசிகர்கள் பெருந்திரளாக பங்கேற்று அமைதியாக நடத்த உதவும்படி விஜய் வேண்டுகோள் விடுத்து அறிக்கை வெளியிட்டுள்ளார்.
